മറയുകയാണോ നീ....
അകലുകയാണോ നീ.....
ഇരുളില് മുങ്ങിയ സന്ധ്യതന്-
സിന്ദൂരപ്പൊട്ടിന്റെ കഥയിതു കേള്ക്കാതെ-
മറയുകയാണോ നീ....
ഈറന് മേഘമായ് നിറുകില് തഴുകി-
ശോകം; മൂകം നീ നില്ക്കെ........
പറയാന് കൊതിച്ചതും, പറയാതെ പോയതും-
മറക്കുവാനാവില്ലയെന്നോ...?
എന്നും മറക്കുവാനാവില്ല എന്നോ...?
മറയുകയാണോ നീ...
അകലുകയാണോ നീ...
ഇന്നെന് വീഥിയില് ഉറയുന്നു മഞ്ഞായ്-
പ്രണയം.. പതിയെ..പതിയെ...
അകലുവാനാവാതെ അകലുന്നു നാമിന്നു-
അടുക്കുവാനാവില്ലയെന്നോ...?
എന്നും... അടുക്കുവാനാവില്ലയെന്നോ...?
മറയുകയാണോ നീ...
അകലുകയാണോ നീ...
ഇരുളില് മുങ്ങിയ സന്ധ്യതന്-
സിന്ദൂരപ്പൊട്ടിന്റെ കഥയിതു കേള്ക്കാതെ-
മറയുകയാണോ നീ....?
nisha's.amr (ഈ കവിത കേള്ക്കാന് ഇവിടെ ക്ലിക്ക് ചെയ്യുക)