"മഴ മോഹങ്ങള്‍..."

Wednesday, April 20, 2011

പുണ്യത്തിന്റെ വഴിയിലൂടെ...




പാലക്കാട്‌  : മക്കളെ പരിചരിച്ചു കുടുംബം നടത്തേണ്ട പ്രായത്തില്‍ രോഗക്കിടക്കയെ ആശ്രയിക്കേണ്ട ദുര്‍ വിധിയാണ് നിര്‍മ്മലയ്ക്ക്.  

            29 വയസ്സുള്ള ഈ യുവതി ഒരു വര്‍ഷമായി വൃക്കാരോഗത്തിന്റെ ദുരിതങ്ങളില്‍ ജീവിതം തള്ളി നീക്കുകയാണ്. രണ്ടു വൃക്കയും തകരാറിലായി ജീവന്‍ നില നിര്‍ത്താന്‍ ഡയാലിസിസിനെ   ആശ്രയിക്കുന്ന നിര്‍മ്മലയുടെ സങ്കടങ്ങള്‍ക്ക് സാക്ഷി ഭര്‍ത്താവ് മുരളിയും ആരും നാലും വയസ്സുള്ള കുഞ്ഞുമക്കളും ആണ്. 
          കുഴല്‍മന്ദത്തു കുളപ്പെട്ടി ആലടിക്കാട് താമസിക്കുന്ന ഇവര്‍ നിത്യ ചെലവിനു പോലും ക്ലേശിക്കുകയാണ്. കൂലിപ്പണി ചെയ്തു മുരളി കൊണ്ടുവരുന്ന വരുമാനമാണ് കുടുംബത്തിനു ആശ്രയം. അതിനിടെയാണ് നിര്‍മ്മല രോഗബാധിതയായത്. 
                     മാസത്തില്‍ എട്ടു ഡയാലിസിസ് ചെയ്താണ് നിര്‍മ്മല രോഗത്തിനെതിരെ പിടിച്ചു നില്‍ക്കുന്നത്. 12000 രൂപയോളം ചികിത്സക്ക് പ്രതിമാസ ചെലവു വരും. വൃക്ക മാറ്റി വെച്ചാല്‍ നിര്‍മ്മലയുടെ ജീവന്‍ രക്ഷിക്കാന്‍ ആവും എന്ന് ഡോക്ടര്‍മാര്‍ പറയുന്നു. വൃക്ക ദാനം ചെയ്യാന്‍ നിര്‍മ്മലയുടെ സഹോദരന്‍ തയ്യാറുമാണ്. എന്നാല്‍ ശസ്ത്രക്രിയക്കും തുടര്‍ ചികിത്സക്കും വേണ്ടത് നാലര ലക്ഷം രൂപയാണ്. ഇത് മുരളി വിചാരിച്ചാല്‍ സ്വരൂപിക്കാവുന്ന തുകയല്ല. 
                     കുടുംബത്തിന്റെ ദൈന്യാവസ്ഥ കണ്ടു നാട്ടുകാര്‍ മുന്‍കയ്യെടുത്ത് ചികിത്സാ സഹായ നിധി രൂപവത്കരിച്ചു. കുഴല്‍മന്ദം സൌത്ത് മലബാര്‍ ഗ്രാമീണ്‍ ബാങ്കില്‍  S .B  അക്കൌണ്ട് തുറന്നിട്ടുണ്ട്. 
നമ്പര്‍ : 4077 .

നിര്‍മ്മലയുടെ ഭര്‍ത്താവ് മുരളിയുടെ ഫോണ്‍ നമ്പര്‍ : 9747027167


(മാതൃഭൂമി ദിനപത്രം 2011 ഏപ്രില്‍ 17 , ഞായര്‍ ആഴ്ച, നാട്ടു വര്‍ത്തമാനം പേജ് , പാലക്കാട് എഡിഷന്‍. )


ഇത് മാതൃ ഭൂമി ദിന പത്രത്തില്‍ വന്ന വാര്‍ത്തയാണ്. 


ഈ ന്യൂസ്‌ ഞാന്‍ വിശദമായി  അന്വേഷിച്ചു. 


ഇപ്പോള്‍ പാലക്കാട്‌ തങ്കം ഹോസ്പിറ്റലില്‍ ,  ഡോക്ടര്‍ മോഹന്‍കുമാര്‍ ന്റെ പരിചരണത്തിലാണ്നിര്‍മ്മല . 



കുഴല്‍മന്ദം കുളപ്പെട്ടി എന്ന സ്ഥലത്ത് ആലടിക്കാട്  വീട്ടില്‍ ആണ്  നിര്‍മ്മലയും , ഭര്‍ത്താവ് മുരളിയും, കുട്ടികളും സ്ഥിര താമസം. 
ഇപ്പോള്‍ ചികിത്സാ ആവശ്യങ്ങള്‍ക്ക് വേണ്ടി കിനാശ്ശേരി തണ്ണീര്‍പ്പന്തലില്‍ ഉള്ള ഭാര്യ വീട്ടില്‍ ആണ് താമസം. 


അവര്‍ കാണിച്ച ഇത്രയും details  സത്യമാണ്. ഞാന്‍ ഹോസ്പിറ്റലിലും വിളിച്ചു കണ്ഫേം ചെയ്തതാണ് .
ഞാന്‍ വിളിച്ചപ്പോള്‍ അവര്‍ ഇന്ന് ഡയാലിസിസ് കഴിഞ്ഞു ഇറങ്ങുകയായിരുന്നു ഹോസ്പിറ്റലില്‍ നിന്നും ഹോസ്പിറ്റലില്‍ അന്വേഷിച്ചു അവിടെ നിന്നും അതെ വിവരം തന്നെ ആണ് തന്നത് .

പാലക്കാട്ടെ വിദഗ്ധ ചികിത്സ സൗകര്യം ഉള്ള ഹോസ്പിറ്റലില്‍ ഒന്നാണ് തങ്കം ഹോസ്പിറ്റല്‍(http://thangampmrc.com/index.html).
(ഹോസ്പിറ്റല്‍ നമ്പര്‍ ഇതാണ് :  04912515717 നിങ്ങള്‍ക്ക് വേണമെങ്കില്‍ ഹോസ്പിറ്റലില്‍ വിളിച്ച്  
ഡയാലിസിസ് വിഭാഗവുമായി ബന്ധപ്പെട്ടാല്‍ ഈ രോഗി അവിടെ ചികിത്സയില്‍ ആണോ എന്ന് കണ്ഫേം ചെയ്യാന്‍ സാധിക്കും.
മാസത്തില്‍ 2 ഡയാലിസിസ് വീതം അവിടെയാണ് ചെയ്യുന്നത് ഇപ്പോള്‍. )

നമ്മെ കൊണ്ട് കഴിയുന്ന സഹായം ഈ കുടുംബത്തിനു ചെയ്യാന്‍ കഴിഞ്ഞാല്‍ അത് ഒരു നന്മ ആയിരിക്കും എന്നാണു എന്റെ തോന്നല്‍... 
ഞാന്‍ അധികം വൈകാതെ തന്നെ അവരെ കാണുകയും കൂടുതല്‍ വിവരങ്ങളും, ഫോട്ടോയും നിങ്ങള്‍ക്ക് എത്തിക്കുകയും ചെയ്യുന്നതാണ്... 
സ്നേഹപൂര്‍വ്വം...
സ്വന്തം...
നിച്ചു... 



ഇന്ന് (29 /05 /2011 ) എനിക്കേറെ സന്തോഷവും, അഭിമാനവും തോന്നിയ ദിവസമാണ്. ഈ കുടുംബത്തിന് ഞാന്‍ കൂടെ അംഗമായ സ്നേഹ സാന്ത്വനം എന്ന ഒരു സോഷ്യല്‍ നെറ്റ് വര്‍ക്കിലെ സുഹൃത്തുക്കള്‍ അവരുടെ കൂട്ടായ ശ്രമം കൊണ്ട് സ്വരൂപിച്ച 20000 രൂപ ഇന്ന് കൊണ്ട് പോയി കൊടുത്തു. പാലക്കാട്‌ തണ്ണീര്‍ പന്തലില്‍ ഉള്ള നിര്‍മ്മല ചേച്ചിയുടെ തറവാട്ടു വീട്ടിലാണ് അവരിപ്പോള്‍. എന്തായാലും എന്നെ പോലെ ചിന്തിക്കുന്ന കുറച്ചു നല്ല മനസുകള്‍ എന്റെ കൂടെ ഉണ്ട് എന്നതില്‍ ഞാന്‍ ഒരുപാട് സന്തോഷിക്കുന്നു. സൌഹൃദവും, സന്തോഷവും എല്ലാം ഉള്ളതിന്റെ കൂടെ അല്‍പ്പം ജീവകാരുണ്യ പ്രവര്‍ത്തനങ്ങള്‍ കൂടെ ചെയ്യുന്നു എന്നതിനാല്‍ ആ സൈറ്റിന്റെ ഭാരവാഹികള്‍ക്കും ഈ കുടുംബത്തിനെ സഹായിക്കാന്‍ സന്മനസ്സു കാണിച്ച എല്ലാവര്‍ക്കും എത്ര നന്ദി പറഞ്ഞാലും തീരില്ല...  നല്ല കാര്യങ്ങള്‍ ആണ്  മാതൃകയാക്കേണ്ടത്. മറ്റു സോഷ്യല്‍ നെറ്റ് വര്‍ക്കുകള്‍ ഇത്തരം കാര്യങ്ങളില്‍ കൂടി ശ്രദ്ധിച്ചെങ്കില്‍  നന്നായിരുന്നു.



3 comments: